Día 09 - Rueiros de literatura / Un tren cargado de misterios

Hoxe en Lendo a Agustín Fernández Paz...
Un tren cargado de misterios grazas a Diego Boquete e Adrián Boquete.

Estades preparadas e preparados?

Foto tirada de aquí.

Hoxe toca RETOOOOO!!!!

Como sabedes, a semana pasada aprobouse  chamar ao aeroporto internacional de Lavacolla en Santiago de Compostela ROSALÍA DE CASTRO. Así mesmo, a compañía aérea norueguesa Norwegian vai levar a imaxe de Rosalía nun Boeing. Esta decisión foi tomada porque querían homenaxear a nosa autora polo seu duplo papel pioneiro na “recuperación do galego” e na “emancipación da muller”.

Como vedes, podemos sentirnos orgullosas e orgullosos de nosa poeta e de nós mesm@s como galegas e galegos, que forman parte da lingua e da cultura que sempre defendeu Rosalía de Castro. Este ano cúmprense 180 anos do seu nacemento este 24 de febreiro, que mellor maneira de homenaxeala que lendo a súa obra.

Aquí tes unha ligazón onde podes ler máis información sobre a nosa grande poeta.

Foto tirada de aquí.

Así pois, hoxe o noso reto colectivo da semana vai ter que ver coa insigne poeta galega e coas nosas escritoras e escritores, porque temos moitos e moi boas e bos.

Como sabes hai moitos monumentos, rúas, prazas, comercios, etc. que levan o nome da nosa poeta, pero tamén temos outras moitas e moitos escritores que dan nome a outros tantos lugares. 

Foto tirada de aquí.

RETO SEMANAL COLECTIVO: procura algunha escritora ou escritor que lle dea nome a algunha rúa, praza, comercio, etc.  Fai un vídeo onde leas un fragmento da súa obra ao lado do seu nome.

Podes ver neste vídeo de Amancio Prada o poema musicado de "Airiños, airiño aires" de Cantares gallegos de Rosalía de Castro. Gañarán as clases que máis localizacións atopen e teñan máis persoas recitando poemas.

O nome do arquivo deste reto é:

identificación_reto_09_01

identificación_reto_09_02

identificación_reto_09_03, etc.

(Cada persoa nunha localización recitando vai nun arquivo diferente)