Día 08 - Hoxe vai de moda / Cos pés no aire

Hoxe en Lendo a Agustín Fernández Paz...
Cos pés no aire grazas a Candela Rama e Patricia Galán do CEIP Ponte dos Brozos de Arteixo.

Hoxe vai de moda

Ti que es unha moza ou un mozo que vai á moda, saberás que o último, o máis “in”, o máis “cool” é falar galego. Así durante estes 21 días sabes que estás no “top” da moda, da moda lingüística.

Para estar informada do mundo da moda, das últimas tendencias tes en galego revistas de tendencias como:

Disquecool ou Coolt

Non deixes de estar na vangarda da moda. Podes ler:

- Este artigo que fala dunsvaqueiros ecolóxicos made in Galiza.

- E estoutra entrevista á top Alba Galocha.

Para axudarnos temos a Alberte Fernández Castro que no seu vídeo dá unha serie de datos sobre a moda.

1. Agora toca “coser” para facer o teu vídeo de hoxe sobre moda no que deberán aparecer os seguintes elementos:

- Fíxate na definición que fai Alberte do que é a moda e agora dános ti unha definición de “moda” coas túas propias palabras.

- Unha marca de moda galega que non citase Alberte.

- Unha deseñadora ou un deseñador galego.

2. Reflexiona sobre como afrontas esta segunda semana. 

O nome dos arquivos de hoxe son:

identificación_dia_08_01 (para o vídeo de moda)
identificación_dia_08_02 (para a reflexión)