Día 07 - Hoxe imos xogar! / Rapazas

Hoxe en Lendo a Agustín Fernández Paz...

Rapazas grazas a Sara Bao, Anxo Gómez e María José Miranda do IES de Carral.

Imaxe procedente da páxina do CEIP Ponte de Xubia.

Imaxe procedente do blog de Elena Bauluz.

Imos xogar!

Os xogos defínense como a actividade física ou mental que ten a finalidade de divertirse ou entreterse.

Os xogos populares posúen un gran valor socio-cultural, xa que sobrepasa os aspectos lúdicos, pois cada xogo presenta diferentes características dependendo da zona na que se practica.

Aquí tes unha pequena mostra da morea de xogos populares que existen na nosa terra. Seguro que ti tamén coñeces algún.

Abelliñas do mel: É un xogo tradicional de tipo infantil ao que xogan as nenas (principalmente). Ten un certo parecido á roda, e consiste en formar un círculo colléndose da man e ao tempo que se canta danse voltas. Cando nomean a unha das participantes o resto danlle as costas sen deterse.

Imaxe procedente de Xogos populares.

Buxaina: Quen non coñece a buxaina? Unha buxaina ou un peón é un corpo que se fai xirar cun cordel sobre unha punta de metal sobre a que sitúa o seu centro de masa. Normalmente utilízase coma xoguete aínda que tamén foron usadas para xogos de azar e para realizar profecías e outros rituais.

Petanca: A petanca consiste en guindar unha serie de bólas metálicas co propósito de achegarse o máis posible a unha pequena bóla de madeira que foi lanzada anteriormente por un dos xogadores. Quen se achegue máis ao remate da quenda de lanzamentos, obtén un punto. O primeiro que consiga trece puntos gaña.

Podes atopar máis información sobre os xogos populares nestes páxinas web:

Xogos populares

Enredos Campolongo

1. Amósanos a túa pericia xogando a algún xogo popular.

E xa vai unha semana!!!!!

Non te deteñas!!!!

Non te deteñas

Non deixes que remate o día sen medrar un pouco,

sen ser feliz, sen aumentar os teus soños.

Non te deixes vencer polo desalento.

Non permitas que ninguén che quite o dereito a expresarte,

que é case un deber.

Non abandones as ansias de facer da túa vida algo extraordinario.

Non deixes de crer que as palabras e as poesías

si poden cambiar o mundo.

Pase o que pase a nosa esencia está intacta.

Somos seres cheos de paixón.

A vida é deserto e oasis.

Derríbanos, máncanos,

ensínanos,

convértenos en protagonistas

da nosa propia historia.

Aínda que o vento sopre en contra,

a poderosa obra continúa:

ti podes achegar unha estrofa.

Non deixes nunca de soñar,

porque en soños é libre o home.

Non caias no peor dos erros:

o silencio.

A maioría vive nun silencio espantoso.

Non te resignes.

Fuxe.

“emito os meus alaridos polos teitos deste mundo”,

di o poeta.

Valora a beleza das cousas simples.

Pódese facer fermosa poesía sobre pequenas cousas,

pero non podemos vogar en contra de nós mesmos.

Iso transforma a vida nun inferno.

Goza do pánico que che provoca

ter a vida por diante.

Vívea intensamente,

sen mediocridade.

Pensa que en ti está o futuro

e encara a tarefa con orgullo e sen medo.

Aprende de quen poida ensinarte.

As experiencias de quen nos precederon

dos nosos “poetas mortos”,

axúdante a camiñar pola vida

a sociedade de hoxe somos nós:

os “poetas vivos”.

Non permitas que a vida che pase a ti sen que a vivas...

Walt Whitman (1819-1892)

“Non permitas que a vida che pase a ti sen que a vivas...”

2. Reflexionemos sobre o xa feito.

• Como che foi nestes dous días?
• Xa vai aló unha semaniña, crías que ía ir mellor ou peor?
• Cres que melloraches algo?
• Se tiveses que poñerte unha nota, cal sería?

Xustifica as túas respostas.

O nome dos arquivos de hoxe son:

identificación_dia_07_01 (para o xogo)
identificación_dia_07_02 (para a reflexión)

*Grazas á colaboración do alumnado de 4º ESO: Alejandro Piañeiro García, Brais Paixal Lombardero, Ramiro Piañeiro Casais e Adrián Núñez Fernández