Día 03 - Refráns e trabalinguas / As flores radioactivas

Hoxe en Lendo a Agustín Fernández Paz...
As flores radioactivas grazas a Noemí, Diana, Vanessa e Cecilia dende o CIFP de Coroso de Ribeira.

QUE A LINGUA NON SE CHE TRABE!

Imaxe de Luis Davila procedente do seu blog O bichero.

A nosa lingua é moi rica en tradición oral. Moitos dos refráns, trabalinguas e ditos populares posúen máis de cinco séculos –con variantes, iso si- pero moitos, moitos séculos. Polo tanto, imos recuperar esas expresións e as tarefas que debes realizar son as seguintes:

1. Atrévete a dicir un trabalinguas e reta outras persoas a que tamén o digan... lembra que tes que gravar un vídeo.

Velaquí  tes uns de modelo... 

(clica na imaxe para agrandar)

e se precisas de máis visita Orella Pendella.

2. Quen non sabe un refrán? Selecciona 5 refráns, elimínalles a segunda parte e que alguén os complete. Por exemplo:

• En xaneiro a raia sabe a …… carneiro.
• Ata San Martiño pan e viño, despois de San Martiño ……… fame e frío.
• Quen non quere unha cunca de caldo …… toma dúas.

3. Como che foi o martes e o mércores? Falas cada día máis? Como te sentes vivindo en galego? Houbo algunha reacción curiosa ao teu redor?

O nome do arquivo de hoxe é:

identificación_dia_03

*Se algún día necesitas facer máis dun vídeo para poñerlles nome fas do seguinte xeito:

identificación_dia_03_01

identificación_dia_03_02

identificación_dia_03_03 e así todos os que necesites.

ÁNIMO E BO DÍA EN GALEGO!!!